Astana Cycling Team

Photo: © Bettini

Халықаралық Велосипед Одағы күнтізбесінен ойып тұрып орын алған «Тиррено – Адриатико» велокөпкүндігінің 6-ші кезеңі аяқталды.

Италияның апталық бәйгесінде бұл жолы Ресей Катюшасының шабандозы Михаил Игнатьев топ жарды. Ол Монтекосаро мен Мачерате қалаларын қосатын 134 шақырымдық жолды 3 сағат 18 минут 9 секундта жүріп өтті. Бұл кезеңде Астана сапынан Максим Иглинский ғана үздіктермен үзеңгі қағыстырды. Ол екінші дәрежелі 4 көтерілімі бар межені жеңімпаздан 14 секундқа кешігіп бағындырып, 11-ші орыннан көрінді. Ал жалпы есепте Иглинский алғашқы төрттікті түйіндеп отыр. Әзірге көш басында Мичеле Скарпони. Максимнің Италияндық шабандозбен уақыт айырмашылығы 22 секундты құрайды. «Астана» жалпы командалық есепте 3-ші орында, сондай-ақ, спринтерлер арасында үздіктер үштігіне Асан Базаев ілігіп отыр. Енді соңғы шешуші 7-ші кезеңде велошабандоздар 164 шақырымға жарысады.

Асылхан Өмірбекұлы

ТРК Қазақстан