Astana Cycling Team

30.10.10

Альберто Контадор ісіне байланысты тәртіптік комиссияның қорытынды шешімі екі ай көлемінде шығарылмайды. Мұны Испания велоспорт федерациясының (RFEC) басшысы Хуан Карлос Кастано мәлімдеді.
Кастаноның сөзіне қарағанда, істің соң­ғы нүктесі үш айдан соң ғана белгілі болуы мүмкін. Бұл мәселенің ақ-қарасы белгілі велошабандоздың іс барысында қандай дәйектер келтіретініне байланысты ажы­ра­тыл­мақшы. Өздеріңізге мәлім, «Астана» ве­­ло­­клубының экс-сер­кесіне қатысты зерт­теу кезінде оның зәрінен тыйым салынған кленбутерол табыл­ған болатын. Спортшы оны «бұзылған еттен болды» деп ақталып отыр. Ал Аль­бер­тоның отандасы Педро Дельгадо допинг­пен ұсталған жерлесінің спорттан алты айға дейін аластатылуы мүмкін екенін айтады. «Контадор өз ден­сау­лығына айтарлықтай нұқсан келтірді. Клен­бу­те­ролды қанға енгізу жазаға лайық. Өз басым бұл үшін оны қатаң айыптамасам да, Контадордың спорттан аластатылатынын сеземін», – дейді ол. 

Автор: Болатбек МҰХТАРОВ

Алаш айнасы