Жерлесіміз жеңіс тұғырында

    • Filled in News in Kazakh 5 Декабрь 2009 в 9:06, author: Sake
    • Views: 1 536.

     

    Велоспорттан 11 күнге созылған «Индонезия туры» аяқталды. Бұл көпкүндікке қазақстандық велошабандоз Андрей Мизуров та қатысып, қорытынды есепте алғашқы үштіктен орын алды.

    Естеріңізге сала кетейік, бүгінде жерлесіміз Иранның «Тебриз» мұнай-химия командасының сапында өнер көрсетіп жүр. «Индонезия туры» көпкүндігінде команда көшбасшысы Менди Сохрабидің басты көмекшісі қызметін атқарған Мизуров өзі де қарап қалған жоқ. Қорытынды есепте көшбасшысынан бақандай 5 минут 20 секундқа қалып қойса да, үздік үштіктің қатарынан ойып тұрып орын алды. Соңғы кезеңдік жарыста жерлесіміз тур жеңімпазы индонезиялық Ади Ахмад Жукардиден 45 секундқа қалып қойып, мәре сызығын 61-ші болып қиды. Ал осы көпкүндікке қатысып жатқан тағы бір жерлесіміз «Полигон Свит Найс» велоклубының өкілі Артем Головащенко соңғы кезеңде мәреге 31-ші болып жетіп, қорытынды есептегі жағдайын біршама түзеп алды. Үш саты жоғарылап, 57-орынға орналасты.

    Айта кетейік, бүгінде Азияда ирандық «Тебриз» мұнай-химия велоклубының дәурені жүріп тұрған сияқты. Оның айғағы, Индонезияда өткен көпкүндікте осы ұжымның бес бірдей велошабандозы алғашқы бестіктен көрінді.

    Арсен Жанаділ

    Алаш айнасы

  • Related Posts

      -- enable recent posts plugin --
  • Leave a Reply

    Анти-спам: выполните задание